ثغرات مخفية في الكمبيوتر أو الويندوز ، خبرتي في عالم الكمبيوتر تجاوز 10 أعوام ، ومن خلال تجربتي الشخصية كنت بأقع في مشاكل وكان بيصعب لي حلها ، مش أنا بس ولكن أصدقائي نفس الكلام كانوا بيقعوا في نفس مشاكلي وما كانوا بيعرفوا حلها وفي أوقات كثيرة كانوا بيعملوا نسخة للجهاز وطبعاً النسخة مكلفة في المال والوقت معاً وكانت حل المشكلة سهلة جداً والله .
وسندرس كل مشكلة ببيان عنوان المشكلة ثم تحت العنوان الشرح بالحل وصور لتوضيح الشرح لكي يكون الكلام سهلاً مبسطا عليك يا عزيزي القارئ .
المشكلة الأولي : بلاقي شاشة الكمبيوتر مقلوبة بالكامل .
وطبعاً أنت لما تلاقي الشاشة اتقبلت كده بتقلب معاها وبتبقي قلقان وبتجري علي السنترال وتكلف وقتك ومالك وجهدك طب ليه وعلشان ايه ، الحل معاك في أقل من ثلاث ثواني والله.
اضغط علي الثلاث أزرار اللي أقولهم دلوقتي
alt+ctrl+ سهم فوق
كده انت عدلت الشاشة ، يعني لو لقيت الشاشة مقلوبة في أي اتجاه اضغط عليهم واتلاقي الشاشة اتعدلت كده .
المشكلة الثانية : بتلاقي أيقونات سطح المكتب كبرت أو صغرت علي غفلة .
طب في الحالة دي أنعمل ايه ، بص تابعني بالخطوات ومتقلقش الموضوع سهل وبسيط .
1ـ تعالي عند سطح المكتب وضع مؤشر الماوس في مكان خال من الأيقونات
2ـ اضغط كلكة يمين
3ـ اضغط علي display setting
شوفت حضرتك الخانة اللي المؤشر عليها خلي جهازك الكبيوتر زيها يعني غير في الأرقام وخليها 1360×768
وكده أتلاقي الشاشة اتعدلت وتبقي مناسبة لعينك زي كده .
المشكلة الثالثة : بلاقي شريط المهام اللي تحت في مكان غير مكانه الأصلي .
متقلقش خالص ، لو لقيت شريط المهام في جانب غير جانبه أو بمعني أدق في موضع غير موضعه فتابعني بخطوة بسيطة وهي .
خلي مؤشر الماوس عند شريط المهام ثم اضغط علي الكلكة الشمال واسحبه إلي موضعه الأصلي وكده ايبقي في مكانه زي كده .
وشكراً علي حسن المتابعة ، ولو وقفت معاك أي مشكلة في الويندوز الخاص بك ممكن تبعتلي أي رسالة وأنا أعملها موضوع خاص به حتي تعم الفائدة .
تعليقات
إرسال تعليق